Mazkur loyiha 2025-yilning 2-mavsumida “Tashabbusli budjet” asosida aholi tomonidan qo‘llab-quvvatlanib, markaziy o‘yingohni ta’mirlash uchun g‘olib deb topilgan. Shundan so‘ng, 2025-yil 28-noyabrdan boshlab “Imkon-loyiha” MChJ tomonidan pudrat ishlari yo‘lga qo‘yilgan bo‘lib, loyiha rahbari S.Xusanov boshchiligida qurilish-ta’mirlash ishlari olib borilmoqda.

2026-yil 31-mart kuni mazkur markaziy o‘yingohda amalga oshirilayotgan ishlar Xalq deputatlari Mirzacho‘l tuman Kengashi deputatlari E.Ergashev hamda S.Usarova tomonidan joyiga chiqib o‘rganildi.

Hozirgi kunda obyektda 20 nafardan iborat ishchi-xodimlar faoliyat yuritib, ta’mirlash ishlari belgilangan reja asosida davom etmoqda. Mazkur loyiha hudud aholisiga zamonaviy va qulay sport infratuzilmasini yaratish, yoshlarning sport bilan muntazam shug‘ullanishlari uchun zarur sharoitlarni yaxshilashga xizmat qiladi.