Xalıq deputatları Bozataw rayonlıq Keńesinen 4-sanlı “Tórtkúl” saylaw okruginen deputat A.Jangabaeva hám rayonlıq Keńes sekretariatı baslıǵı A.Ibragimov, “Qusqanataw” APJ “Tórtkúl” saylaw okrugi aymaǵındaǵı Taza jap awılı saylawshıları menen ushırasiw ótkerdi. Ushırasıw dawamında deputatlar Ózbekstan Respublikası Prezidentiniń Párman hám Qararların, sonıń ishinde 2026-jıl 21-fevral kúngi “Qaraqalpaqstan Respublikasın 2026-jılda sociallıq-еkonomikalıq rawajlandırıw hám kelesi jıllarǵa mólsherlengen baǵdarlamalardı tastıyıqlaw haqqında”ǵı 70-sanlı qararınıń mazmunı hám Qaraqalpaqstan Respublikasında alıp barılǵan keń kólemli reformalar haqqında túsindirildi. 

Máhállede bolıp ótken ushırasıwda deputatlar xalıqtıń turmıs dárejesin bunnan bılay da jaqsılaw, puqaralardıń mashqalaların ornında úyreniw hám olardı tiyisli shólkemler menen birgelikte sheshiw máselelerine ayrıqsha itibar qarattı. Ilaj dawamında jaslardıń bilim alıwı hám bos waqtın mazmunlı shólkemlestiriw sıyaqlı áhmiyetli máseleler boyınsha pikir alısıldı. Xalıq tárepinen bildirilgen usınıs hám mashqalalar dizimge alındı. 

Ilaj sońında máhálle belsendileri hám nuranıylar deputatlarqa óz minnetdarshılıǵın bildirip, bunday ushırasıwlar xalıqtıń mámleketlik hám jámiyetlik turmıstaǵı qatnasın kúsheytiwi, máhállelerde sociallıq belsendilikti arttırıwda úlken áhmiyetke iye ekenligin atap ótti.