Tumanimizda Navro‘z umumxalq bayramini munosib nishonlash, muborak Ramazon oyini munosib tarzda o‘tkazish, “Yashil makon” umummilliy loyihasi doirasidagi obodonlashtirish va ko‘kalamzorlashtirish tadbirlarini davom ettirish maqsadida xalq deputatlari Olmazor tumani Kengashi deputati Ismoil Usmonov tashabbusi va tuman korxona hamda tashkilotlar ko‘magida o‘zi saylangan okrugida umumxalq hashari tashkil etildi. 

Hashar jarayonida kanal ariqlar bo‘yi chiqindilardan tozalandi, begona o‘tlar olib tashlandi, shuningdek, yog‘ingarchilik vaqtida suv to‘planib qoladigan hududdagi ariqlar tartibga keltirildi. Hashar elga yarashar, deydilar. O‘zaro hamjihatlik, inoqlik asosida tashkil etilgan xayrli tadbir tuman hududlari obod holga keltirildi.

Ekologik muvozanatni saqlash va yashil hududlarni ko‘paytirish yo‘lida o‘tkazilgan mazkur tadbir nafaqat tabiatni asrash, balki yosh avlodni ekologik madaniyatga o‘rgatish yo‘lida ham muhim ahamiyat kasb etadi.