O`zbekiston Respublikasi Prezidentining 2025-yil 19-sentyabrdagi qabul qilingan “O`zbekiston Respublikasida aholi va qishloq xo`jaligini ro`yxatga olish tadbirini o`tkazish to`g`risida”gi PF-173-sonli Farmoni ijrosini ta`minlash maqsadida joylarda tizimli ishlar amalga oshirilmoqda. Mazkur farmon ijrosini o`rganish, uning ahamiyatini aholiga keng tushuntirish hamda ro`yxatga olish jarayonlarida fuqarolarning faol ishtirokini ta`minlash maqsadida tuman Kengashi deputatlari tomonidan aholi o`rtasida targ`ibot-tushuntirish ishlari olib borilmoqda. Targ`ibot ishlari davomida deputatlar aholini va qishloq xo`jaligini ro`yxatga olishning ijtimoiy-iqtisodiy ahamiyati,
uning natijalari kelgusida hududlarni rivojlantirish, infratuzilmani yaxshilash, aholi turmush darajasini oshirishga xizmat qilishi haqida batafsil ma`lumot bermoqdalar. Shuningdek, fuqarolarni qiziqtirgan savollarga javoblar berilib, ro`yxatga olish jarayoni shaffof va qonun doirasida amalga oshirilishi ta`kidlanmoqda. Bunday uchrashuvlar aholining huquqiy ongini oshirish, davlat ahamiyatiga molik tadbirlarda faol ishtirok etishini ta`minlashda muhim ahamiyat kasb etmoqda.