Xalq deputatlari Chilonzor tuman Kengashi deputati Imamov Sanjarali To‘lqinovich Beshqo‘rg‘on MFYda aholi bilan uchrashuv o‘tkazdi. Tadbirda mahalla faollari hamda fuqarolari ishtirok etdilar.

Uchrashuv davomida deputat tomonidan mahallada olib borilayotgan ijtimoiy-iqtisodiy ishlar, fuqarolarning murojaatlari va ularning yechimiga doir masalalar muhokama qilindi.

Shuningdek, aholini qiziqtirgan dolzarb mavzulardan biri — kuz-qish mavsumiga tayyorgarlik masalasi ham atroflicha muhokama etildi.

Deputat tomonidan aholiga mavsumga tayyorgarlik jarayonida energiya tejamkorlik, isitish tizimlarini tartibga keltirish, yo‘llarni ta’mirlash va obodonlashtirish ishlarini jadallashtirish bo‘yicha tavsiyalar berildi.

Uchrashuv yakunida fuqarolarning taklif va fikrlari tinglanib, ularni bosqichma-bosqich hal etish yuzasidan tegishli chora-tadbirlar belgilab olindi.