ÓzLiDeP Bozataw rayonlıq Keńesinde tómengi buwın jumısın sistemalı shólkemlestiriw, jetekshilerdiń potencialın arttırıw baǵdarında belgili nátiyjelerge erisilmekte. Máselen, rayonlıq Keńeste "Baslanǵısh shólkemler menen islesiw kúni" belgilengen. Sol kúni rayonlıq partiya Keńesiniń apparat baslıǵı, Keńestiń basqa da juwapker xızmetkerleri, Xalıq deputatları rayonlıq
Keńesindegi jankúer deputatlar baslanǵısh shólkemlerde belgili bir jumıstı ámelge asıradı hám tikkeley tómengi buwınǵa barıp, jetekshilerdiń jumısın nátiyjeli shólkemlestiriw maqsetinde olarǵa metodikalıq, ámeliy járdem kórsetedi. Olardıń mamanlıǵın arttırıwǵa qaratılǵan hár qıylı ilajlar ótkeredi. 

Usınday ilájlardıń biri rayondaǵı 6-sanlı ulıwma orta bilim beriw mektep imaratında bolıp ótti. Ilájǵa Xalıq deputatları rayonlıq Keńesi Sekretariat baslıǵı A.Ibragimov hámde partiyanıń apparat baslıǵı B.Qutlımuratov, sonday-aq, BPSH aǵzaları qatnastı.