Xalq deputatlari Boyovut tumani Kengashi 17-Yangibo‘ston saylov okrugi deputati Axrorjon Ibodullayev boshchiligida mahalla raisi hamda xotin-qizlar faoli bilan hamkorlikda ajrim yoqasidagi oilalar va nizoli oilalar bilan suhbatlar o‘tkazildi.

Jumladan, "Yangibo‘ston" mahallasi "Ufq" ko‘chasida yashovchi R.Muxtarova oila a’zolari bilan suhbat davomida, uning turmush o‘rtog‘i To‘lqinjon hozirda ular bilan yashamasligi ma’lum bo‘ldi. Ushbu oilaning 6 nafar farzandi bor. Oilani yarashtirish bo‘yicha muhokamalar o‘tkazilib, tushuntirish ishlari olib borildi.

Shuningdek, I.Shoyzakova xonadonida yuzaga kelgan nizolar o‘rganilib, ularning asosan moddiy ta’minot yetishmovchiligi sababli yuzaga kelgani aniqlandi. Nizolar bartaraf etildi. Oilani ijtimoiy reyestrga kiritish bo‘yicha ishlar boshlab yuborildi hamda zarur gaz ballon va plastik karta uchun ariza topshirildi.

Har ikkala oilaga deputat, mahalla raisi va xotin-qizlar faoli tomonidan tegishli maslahatlar berilib, amaliy yordam ko‘rsatildi.