O‘rganish jarayonida mazkur hududda amalga oshirilayotgan qurilish va obodonlashtirish ishlarining borishi ko‘zdan kechirildi. Ayni paytda ko‘chaning qatnov qismida asfalt qoplamasi yotqizish ishlari jadal sur’atlarda davom etmoqda.

Shahar rahbari tomonidan asfalt qoplamasining sifati, texnologik talablar asosida yotqizilishi hamda yo‘lning uzoq muddat xizmat qilishi masalalariga alohida e’tibor qaratildi.

Mutasaddilarga qurilish va obodonlashtirish ishlarini belgilangan muddatlarda, sifatli va samarali tarzda yakunlash yuzasidan tegishli topshiriqlar berildi.

Mazkur loyiha hudud infratuzilmasini yaxshilash, transport qatnovi uchun qulaylik yaratish hamda aholi turmush sifatini oshirishga xizmat qiladi.

Samarqand shahrini yanada obod va zamonaviy maskanga aylantirish borasidagi bunyodkorlik ishlari izchil davom ettirilmoqda.