Samarali tomorqa — barqaror daromad

🏡 Xalq deputatlari tuman Kengashining 9-Qorabog‘ saylov okrugi deputati R.Toshturdiyev tomonidan “Dehqon xo‘jaligi to‘g‘risida”gi O‘RQ-680-sonli Qonun ijrosini ta’minlash yuzasidan tuman fermer, dehqon xo‘jaliklari va tomorqa yer egalari Kengashi xodimlari ishtirokida targ‘ibot ishlari olib borildi.

📌 Tadbir davomida ishtirokchilarga mazkur qonunning mazmun-mohiyati, uning amaldagi ahamiyati hamda aholi bandligini ta’minlashdagi o‘rni haqida atroflicha tushuntirishlar berildi. Shuningdek, tomorqa yerlaridan samarali foydalanish, qishloq xo‘jaligi mahsulotlari yetishtirishni kengaytirish va oilaviy daromadlarni oshirish bo‘yicha amaliy tavsiyalar taqdim etildi.

🤝 Uchrashuvda ishtirokchilar o‘zlarini qiziqtirgan savollarga mutaxassislar tomonidan batafsil javoblar oldilar hamda sohadagi mavjud muammolar yuzasidan fikr-mulohazalar bildirdilar.