Xalq deputatlari Olmaliq shahar Kengashi deputati Alisher Samadov tomonidan saylov okrugi hududidagi Islom Karimov mahallasidagi ichki ko‘cha yo‘llarining holati o‘rganildi.

O‘rganish jarayonida yo‘llarning texnik ahvoli, qoplama sifati, mavjud nosozliklar, piyodalar va transport harakati uchun yaratilgan sharoitlar ko‘zdan kechirildi.

⚡️Shuningdek, yo‘llarni joriy ta’mirlash, obodonlashtirish hamda harakat xavfsizligini ta’minlash masalalariga e’tibor qaratildi.

⚡️Aniqlangan kamchiliklarni bartaraf etish, ichki ko‘cha yo‘llarini bosqichma-bosqich ta’mirlash hamda aholi uchun qulay va xavfsiz infratuzilmani yaratish yuzasidan mas’ullarga tegishli tavsiya va ko‘rsatmalar berildi.

✅Mazkur o‘rganish ishlari hudud infratuzilmasini yanada yaxshilash, fuqarolarning murojaatlari asosida mavjud muammolarni tizimli hal etishga qaratilgani bilan ahamiyatlidir.