Ma’lumki, O‘zbekiston Respublikasi Prezidentining 2024-yil 23-sentabr kuni qabul qilingan Farmoni va Qaroriga asosan 2025-yilda 1 million nafar aholini kambag‘allikdan chiqarish davlat ijtimoiy-iqtisodiy siyosatining hamda barcha darajadagi davlat
organlari va tashkilotlarining birinchi darajali vazifasi etib belgilandi.

Shu munosabat bilan Xalq deputatlari Urganch shahar Kengashi kotibiyati jamoasi va hududdan saylangan shahar Kengashi deputati S.Masharipov “Mustaqillik” mahallasida bo‘lib, mahalladagi kambag‘al oilalarga biriktirilgan viloyat va shahar tashkilotlarining ushbu oilalarga shu kungacha oilani kambag‘allikdan chiqarish bo‘yicha amalga oshirilgan ishlarini o‘rganib, o‘rganish yakunida mazkur yo‘nalishdagi ishlarni jadallashtirishga qaratilgan tegishli taklif va tavsiyalarini berdilar.