Avval xabar (https://t.me/kattaqurgon_shahar_hokimligi/12726) berganimizdek, shahar hokimi Gavhar Alimova shu kunlarda O‘zbekiston Respublikasi Investitsiyalar, sanoat va savdo vaziri Laziz Qudratov boshchiligidagi delegatsiya tarkibida Quvayt davlatida xizmat safarida bo‘lib turibdi. 

Ushbu tashrif doirasida Quvayt davlatidagi yirik tibbiy kompaniya vakillari va shahar hokimi G.Alimova o‘rtasida tibbiyot sohasida hamkorlikni yo‘lga qo‘yish borasida muzokaralar olib borildi va kelgusida bu borada istiqbolli loyihalarni amalga oshirishga kelishildi.

Shuningdek, shahar hokimi O‘zbekiston va Quvayt davlatlari o‘rtasida koʻchmas mulkni, qishloq xo‘jaligi, turizm va infratuzilma sohalarida istiqbolli investitsiya imkoniyatlarini rivojlantirish bo‘yicha o‘tkazilgan uchrashuvda ishtirok etdi.