Xalq deputatlari Marhamat tuman Kengashi 2-“Madaniyat” saylov
okrugi deputati Irodaxon Mirzaxonova “Oybek” mahallasida “Mahalla yettiligi” bilan birgalikda
“Kambag‘allikdan – farovonlik sari” dasturi doirasida aholini kambag‘allikdan chiqarish va
migratsiya bo‘yicha targ‘ibot ishlarini olib bordi. Aholi bilan suhbatlashib, ularning muammolarini o‘rgandi.

Ishsiz fuqarolarni ish bilan ta’minlash, xorijiy davlatga ishlash uchun chiqib ketishni oldini olish maqsadida
tumandagi bo‘sh ish o‘rinlar bo‘yicha o‘z tavsiyalarini berdi.

Bundan tashqari bo‘sh yotgan ariq va zovurlarda o‘rdak boqishni yo‘lga qo‘yish, ko‘chalarda
uzum ko‘chatlarini ekish va so‘rtaklarini qurib daromadlarini oshirish mumkinligi to‘g‘risida tushuntirish ishlari olib borildi.