Xalıq deputatları Qaraózek rayonlıq Keńesiniń gezektegi sessiyası bolıp ótti. Sessiyaǵa jergilikli Keńes deputatları, rayonlıq sektor basshıları, hákim orınbasarları, mákeme, shólkemler hám ǵalaba xabar quralları wákilleri qatnastı. Sessiyanı rayonlıq Keńes baslıǵı A.Baymuratov basqarıp bardı. 

  Sessiya kún tártibinde dáslep Ózbekstan Respublikası Prezidentiniń 2024-jıl 23-sentyabr kúngi “Kámbaǵallıqtan párawanlıqqa qaray” baǵdarlamasın ámelge asırıw boyınsha birinshi náwbettegi ilajlar haqqında”ǵı PQ-330-sanlı qararınıń Qaraózek rayonında orınlawı haqqında rayon hákiminiń birinshi orınbasarı B.Ayapbergenovtıń hám Qaraózek rayonı shańaraq hám hayal-qızlar bólimi tárepinen besinshi basqısh “Hayallar dápteri” dizimine kiritilgen hayal-qızlarǵa ámeliy járdemler kórsetilgen jumıslarınıń juwmaǵı boyınsha rayon hákimi orınbasarı, shańaraq hám hayal-qızlardı qollap-quwatlaw bólimi baslıǵı R.Sagidullaevalardıń esabatları tıńlandı.