Мамлакатимизда озиқ-овқат хавфсизлигини таъминлаш жамиятнинг ижтимоий-иқтисодий ҳолатини барқарор ривожлантириш, фуқароларнинг соғлиғи, турмуш сифатини яхшилаш, миллий хавфсизлиги ва мамлакат мустақиллигини барқарор сақлашнинг асосий йўналиши сифатида алоҳида эътибор берилмоқда.

      Мазкур йўналишда, туманда аҳолини сифатли озиқ-овқат маҳсулотлари билан таъминлаш, ички бозорларда нарх-навонинг барқарорлигини сақлаш, қишлоқ хўжалиги маҳсулотларини етиштирувчиларни қўллаб-қувватлаш бўйича мақсадли ҳамда изчил чора-тадбирлар амалга ошириш орқали озиқ-овқат маҳсулотлари ҳажмини кўпайтириб, бозорлардаги нарх-навони арзон қилиш натижасида одамларни рози қилишимиз энг муҳим масалалардан бири ҳисобланади.

     Бугун халқ депутатлари туман Кенгашининг Маҳаллий бюджет,иқтисодий ислоҳотларни амалга шириш,инвестициялар ва тадбиркорликни ривожлантириш масалалари бўйича доимий комиссияси йиғилишида худди ана шу мавзу доирасида фикр юритилди. 

    Мазкур масалада туман ҳокимлиги молия, иқтисод ва камбағалчиликни қисқартириш масалалари бўйича бош мутахассис Санжар Хўжаевнинг маърузаси тингланиб, муҳокама этилди. 

       Музокараларда туман Кенгаши депутати Махфират Атоева, туман Кенгаши котибият бош мутахассиси Шахруз Тағоев, 

"Деҳқон бозори" МЧЖ иқтисодчиси Эркин Норовлар қатнашиб, ўз мулоҳазаларини баён этдилар.