Joriy yilning 21 may kuni Oltinchi chaqiriq xalq deputatlari Sardoba tuman Kengashining yetmish yettinchi sessiyasi bo'lib o'tdi. Ushbu sessiya ishida Sirdaryo viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Umarov Abduraxim, tuman sektor rahbarlari, tuman Kengashi deputatlari, tuman hokimining o‘rinbosarlari, tegishli korxona hamda tashkilotlar rahbarlari, ommaviy axborot vositalari vakillari ishtirok etdi. 

Sessiya kun tartibiga quyidagi masala kiritildi:

Tuman sektor rahbarlarining joriy yilning I-choragida hududdagi aholi bandligini ta’minlash,  kam ta’minlangan oilalarni kambag‘allik darajasidan chiqarish, doimiy yashash manzillaridan uzoq muddatga chiqib ketgan fuqarolar bilan ishlash, “Sayxunobod tajribasi”ni joriy etish, aholi kayfiyatiga salbiy ta’sir ko‘rsatuvchi omillarni bartaraf etish, “mahalla yettiligi” faoliyatini samarali tashkil etish va ularning ma’suliyatini oshirish yo‘nalishlari bo‘yicha hisoboti hamda ushbu yo‘nalishlar bo‘yicha yil yakuniga qadar oyma-oy amalga oshiriladigan chora tadbirlarning “mahallabay” reja-jadvallarini tasdiqlash to‘g‘isida. 

Deputatlar tomonidan sessiya kun tartibiga kiritilgan masalalar yuzasidan fikr mulohazalar bildirilib, tegishli qarorlar qabul qilindi.