2024-yilning 29-may kuni soat 11-00da xalq deputatlari Chinoz tumani Kengashi doimiy komissiyalarining qo‘shma majlisi bo‘lib o‘tdi.

Qo‘shma majlis kun tartibiga kiritilgan quyidagi masalalar ko‘rib chiqildi:

Chinoz tumanida yangi ish o‘rinlarini yaratish va aholi bandligini ta’minlash borasida joriy yilning yanvar-may oylarida amalga oshirilgan ishlar to‘g‘risida;

Chinoz tumanida “Temir daftar” ro‘yxatidagi ehtiyojmand oilalarni iqtisodiy-moddiy ahvoli yaxshilanganligi sababli “Temir daftar” ro‘yxatidan chiqarish, tumanda moddiy yordam va ko‘makka muhtoj, og‘ir sharoitga tushib qolgan oilalarni “Temir daftar” ro‘yxatiga kiritish hamda “Temir daftar”ga kiritilgan oilalarga bir martalik moddiy yordam to‘lash bo‘yicha may oyi grafigini tasdiqlash to‘g‘risida;

Chinoz tumanida qishloq xo‘jaligiga mo‘ljallangan yerlardan foydalanish holatini o‘rganish natijalari to‘g‘risida;

O‘zbekiston Respublikasining “Geografik obektlarning nomlari to‘g‘risida”gi Qonuniga muvofiq Chinoz tumanidagi mavjud geografik obektlarni nomlash va qayta nomlash to‘g‘risida;

O‘zbekiston mahallalari uyushmasi Chinoz tumani bo‘limi boshlig‘ining Mahallaning ijtimoiy-iqtisodiy muammolarini hal etish jamg‘armasining 2024-yil 1-chorak daromadlari va xarajatlari ijrosi bo‘yicha hisoboti to‘g‘risida;

Chinoz tumani hokimining kadrlarga oid ayrim qarorlarini tasdiqlash to‘g‘risida.

Kun tartibidagi masalalar muhokamasida deputatlar Shuhrat Ergashov, Baxodir Saydullayev, Davron Teshaboyev, Ozodov Egamberdi, Farhod Ibragimovlar so‘zga chiqib, o‘zlarining savol, taklif va fikr-mulohazalarini bildirib o‘tdilar.

Kun tartibidagi masalalar yuzasidan tegishli qarorlar qabul qilindi.

Xalq deputatlari Chinoz tumani Kengashi kotibiyati