Депутатнинг
навбатдаги сайёр қабули Самосий маҳалласида бўлиб ўтди. 

Бугунги кунда халқ манфаатларининг барча нарсадан устунлиги, аҳолининг талаб ва эҳтиёжларини қондириш, кишилар ҳаётининг фаровонлигини таъминлаш бугунги кунимизнинг энг долзарб масалаларидан биридир. 

Туман Кенгаши депутати Феруза Чўлиеванинг навбатдаги сайёр қабули ва ёшлар билан учрашуви
Самосий маҳалла гузарида бўлиб ўтди.  

Ушбу қабулда туман халқ қабулхонаси мудири, туман ҳокими ўринбосарлари, тегишли ташкилот, корхона раҳбарлари, маҳалла бешлиги ҳамда фуқаролар иштирок этди. 

Сайёр қабул жараёнида фуқаролар томонидан соғлигини тиклаш мақсадида бир марталик моддий ёрдам олиш, томорқа ер майдонларини суғоришда дуч келаётган муаммолар, хонадонлардан чиқаётган чиқиндиларни ўз вақтида бартараф этиш, тадбиркорлик қилиш учун имтиёзли кредит ажратиб бериш,
“Ёшлар дафтари”га киритиш каби мурожаатлар ўртага ташланди. 

Мурожаатларнинг аксарияти сайёр қабул давомида ижобий ҳал этилди. Ечими муддат талаб этадиган ва қайта ўрганиш талаб этадиган мурожаатлар юзасидан масъулларга тегишли кўрсатма ва топшириқлар берилди ҳамда уларни кўриб чиқилиши назоратга олинди.