Májiliste partiya deputatlıq toparınıń aǵzaları, "Hududgaz Qoraqalpog‘iston gaz ta‘miynoti filiyali" Bozataw rayonlıq gaz támiynatı bólimi basshıları, tiyisli qánigeler qatnastı. Esitiw kún tártibine muwapıq, “Xududgaz” Qaraqalpaqstan Gaz támiynatı filialı Bozataw rayonı gaz támiynatı bólimi tárepinen gúz-qıs máwsiminde xalıqqa tábiyiy gaz jetkerip beriw boyınsha ámelge asırılǵan jumısları tıńlandı. 

Deputatlıq esitiwde ÓzLiDeP deputatları esabat nátiyjelerinde Guz-qıs máwsimine tayarlıq kóriw barısında kóplegen xojalıqlar jılıtıw qazanları úy ishinde bolǵanlıǵı, xalıq arasında
iyis gazinen záhárleniw hám hawa-gaz aralaspası ushqını menen baylanıslı ayrıqsha jaǵdaylardıń aldın alıw hám xalıqtıń bul baǵdardaǵı sawatlılıǵın arttırıw jumısların kushiytiw lazımlıǵın aytıp ótti. Májilis juwmaǵında Partiyanıń Bozataw rayonlıq Keńesindegi deputatlıq toparı usı máseleler boyınsha tiyisli shólkemler menen birgelikte turaqlı deputatlıq qadaǵalawdı ámelge asırıwı belgilendi.