Oliy Majlis Qonunchilik palatasi deputati, O‘ZLIDEP fraksiyasi a’zosi Erkin Salixov Oqdaryo tumanidagi Miyonqol mahallasida bo‘lib O‘ZLIDEP deputatlari, yangi tashkil etilgan mahalla yettiligi faollari uchrashdi. Uchrashuv davomida xalq vakili Prezidentimizning Sayxunobod tajribasini viloyatning chekka hududlariga ham yetkazish, aholi daromadini oshirishda tomorqa va uy xo‘jaligidan samarali foydalanish choralari yuzasidan ma’lumot berish bilan bir qatorda, Yoshlar va biznesni qo‘llab-quvvatlash yilida rejalashtirilayotgan chora-tadbirlar haqida so‘z yuritib, yurtimizda olib borilayotgan keng ko‘lamli islohotlar, yaratilayotgan shart-sharoitlar, qonunchilikdagi yangiliklar haqida batafsil to‘xtalib o‘tdi.

Uchrashuv davomida mahalla nuroniysi Habibillo ota Normurodov mahalladagi 1964-yilda qo‘yilgan yaroqsiz elektr simog‘ochlarni beton ustunlarga almashtirish simlarini yopiq xavfsiz holatga keltirish bo‘yicha o‘z takliflarini bildirdi.

Xalq vakil bu masalani o‘ziga qayd etib, ijrosi bo‘yicha tegishli tashkilotlar ma’sullariga yetkazib, nazoratga oldi.