Bugun Uchquduq tuman sport maktabida tuman Ichkiishlar bo‘limi bilan hamkorlikda buyuk mutafakkir Alisher Navoiy tavalludining 585 yilligiga bag‘ishlangan voleybol bo‘yicha Uchquduq tuman kubogi musobaqasi bo‘lib o‘tdi. 

Tadbirda tuman IIB boshlig'i Anvar Radjapov va sport maktabi direktori, tuman Kengashi deputati Umrbek Salimovlar ishtirok etib sportchilarga muvaffaqiyat tiladi.  

  Musobaqada 2010–2011–2012–2013-yillarda tug‘ilgan va undan kichik yosh toifasidagi o‘smir hamda o‘smir qizlar ishtirok etdi.
Zarafshon shahri va Uchquduq tumanidan jami 10 ta jamoa qatnashdi. 

 G‘oliblar: 

 1-o‘rin — Uchquduq sport maktabi jamoasi 

 2-o‘rin — Zarafshon sport maktabi jamoasi 

 3-o‘rin —Zarafshon 2-jamoasi 

  G‘olib va sovrindor jamoalar tuman IIB hamda sport maktabi ma’muriyati tomonidan I, II, III
darajali diplomlar hamda esdalik sovg‘alari bilan taqdirlandilar