Xalq deputatlari Muzrabot tuman Kengashiga 7-Qo‘rg‘oncha saylov okrugidan saylangan deputat Sh.Norqobilovga “Gulobod” MFY “Nuroniylar” ko‘chasida yashovchi bir guruh fuqarolardan murojaat kelib tushdi.

Aholi ichki yo‘llarni ta’mirlash masalasida yordam so‘radi. Har yili qish mavsumida qishning qirovli, qorli kunlari bor. Yog‘in-sochinli kunlarda abgor yo‘llar aholiga anchagina qiyinchilik tug‘dirayotgandi.

Deputat masalaga jiddiy yondoshdi. Mutasaddi tashkilotlarga tegishli tartibda murojaat qildi. Tashabbus, amaliy harakat besamar ketmadi. Ayni kunda “Nuroniy” ko‘chasini ta’mirlash ishlari boshlab yuborildi. Hozirda ushbu ko‘chaga tekislovchi (shag‘al-tosh) qatlam to‘kilmokda.