Xalq deputatlari Marg‘ilon shahar Kengashi deputati B.Obidov tomonidan Maorif mahalla fuqarolar yig‘inida mahalla yettiligi faoliyati o‘rganildi.

O‘rganish davomida mahalladagi yoshlar yetakchisi tomonidan amalga oshirilayotgan tadbirlarning samaradorligi, yoshlar bandligini ta’minlash masalalari tahlil qilindi.

Bundan tashqari, hokim yordamchisi tomonidan amalga oshirilayotgan ishlar samaradorligi, xususan aholini kambag‘allikdan chiqarish bo‘yicha olib borilayotgan chora-tadbirlar tahlil qilindi. Mahalladagi ijtimoiy xodim tomonidan ehtiyojmand aholi qatlamlariga ko‘rsatilayotgan xizmatlar sifati, kam ta’minlangan oilalarga ijtimoiy nafaqalar va moddiy yordamlar tayinlanishi holati o‘rganildi. Shuningdek, mahalla xotin-qizlar faoli tomonidan olib borilayotgan ishlarning samaradorligi yuzasidan ham fikr almashildi.

O‘rganish yakunida aniqlangan masalalar bo‘yicha hamda mavjud muammolarni bosqichma-bosqich hal etish bo‘yicha aniq vazifalar belgilandi.