Xalıq deputatları Qaraózek rayonlıq Keńesi hám rayon hákimligi, shańaraq hám hayal-qızlar bólimi, rayonlıq mektepke shekemgi hám mektep bilimlendiriw bólimleri baslaması menen 2-sanlı mektepte bilimlendiriw mákemelerinde islewshi hayal-qızlar menen ushırasıw bolıp ótti. Ushırasıwǵa hákim orınbasarı, shańaraq hám hayal-qızlar bólimi baslıǵı R.Sagidullaeva, deputatlar A.Kelimbetova, A.Palımbetova, hayal-qaızlar qatnastı. Ushırasıwda bilimlendiriw mákemelerinde tálim hám tárbiya beriwdiń sapasın elede jaqsılaw, mámleketimizde tarawǵa qaratılǵan itibar, baqsha tárbiyalanıwshıları, mektep oqıwshıları arasında salamat turmıs tárizin en jaydırıw, jaslar arasında erte turmıs qurıwdıń aldın alıw hám kiberqáwipsizlikke baylanıslı bir qatar máselelerde pikirlesildi. Aymaqta úlgili shańaraqlardıń ibratlı islerin en jaydırıw, bántlikti támiyinlew, úy miyneti, ónermentshilikti rawajlandırıw atap ótilip, qatnasıwshılardıń bul baǵdarda usınısları tıńlandı hám ámeliy sheshimi boyınsha birgelikte wazıypalar belgilendi.