Xalq deputatlari Toyloq tuman Kengashi kotibiyat mudiri B. Hamroyev, viloyat Kengashi deputati M. Sayfiddinova, tuman Kengashi deputati F. Siddiqov hamda tuman hokimligining nuroniylar masalalari bo‘yicha maslahatchisi, “To‘y marosimlarini o‘tkazish” Kengashi raisi Q. Hojiqulovlar ishtirokida O‘ray-Elipok mahallasida mahalla yettiligi va mahalla fuqarolari bilan uchrashuv bo‘lib o‘tdi.

Uchrashuv davomida to‘y va boshqa marosimlarni ixcham va tejamkor o‘tkazish, mahallada yoshlar o‘rtasida jinoyatchilikning oldini olish, turli zararli oqimlar hamda giyohvandlikka qarshi kurashish masalalari yuzasidan tushuntirish ishlari olib borildi.

Shuningdek, mahalla fuqarolarining murojaatlari o‘rganilib, hududdagi tibbiyot punkitiga tashrif buyurildi. Tashrif davomida aholiga bepul dori-darmonlar bilan ta’minlanishi, tibbiy xizmatlar sifati va fuqarolarga ko‘rsatilayotgan xizmatlar holati bilan tanishildi.

Mazkur tadbirlar aholi bilan ochiq muloqotni mustahkamlash, ijtimoiy muammolarni joyida hal etish hamda sog‘lom turmush tarzini targ‘ib etishga qaratildi.