Bugun tumandagi 26-sonli umumta’lim maktabida yuqori sinf bitiruvchilari ishtirokida «Korrupsiya — taraqqiyot kushandasi» mavzusida davra suhbati tashkil etildi. Tadbirda xalq deputatlari tuman Kengashi deputati Teshayev Muhiddin Xoliqulovich ma’ruza bilan ishtirok etdi. 

Uchrashuvda korrupsiyaning jamiyat rivojiga salbiy ta’siri, davlat boshqaruvi va ijtimoiy adolat tamoyillariga yetkazadigan zarari ilmiy va hayotiy misollar bilan tushuntirib berildi. 

📋 Tadbir davomida quyidagi masalalarga alohida urg‘u berildi:  

Huquqiy madaniyat:

Yoshlar orasida korrupsiyaga nisbatan murosasiz munosabatni shakllantirish va huquqiy ongni yuksaltirish; 

• Davlat siyosati: О‘zbekiston Respublikasining
  «Korrupsiyaga qarshi kurashish tо‘g‘risida»gi Qonuni ijrosi va sohadagi islohotlarning mazmun-mohiyati; 
• Shaffoflik: Ta’lim va ishga joylashish jarayonlarida halollik hamda adolat mezonlariga rioya qilishning ahamiyati. 

«Korrupsiya bilan kurashish faqat huquq-tartibot idoralarining vazifasi emas, balki har bir fuqaroning, ayniqsa, hayot bо‘sag‘asida turgan yoshlarning burchidir. Halol mehnat va chuqur bilimgina sizni yuksak marralarga boshlaydi», — deya ta’kidladi deputat M.Teshayev.