ЎзЛиДеП Сиёсий Кенгаши Ижроия қўмитаси ва Олий Мажлис Қонунчилик палатасидаги партия фракцияси раҳбари Актам Хаитов бошчилигидаги ишчи гуруҳ Сирдарё вилоятидаги тадбиркорлик субъектлари ва корхоналар фаолиятини ўрганиш мақсадида Гулистон шаҳрида бўлди.

Тадбир доирасида ишчи гуруҳ “MMX” ПРО МЧЖ қоп ишлаб чиқариш корхонаси фаолияти билан яқиндан танишди. Корхонадаги ишлаб чиқариш жараёнлари, мавжуд шароитлар ва ишчи-ходимлар бандлиги масалалари ўрганилди. Шунингдек, тадбиркорлар томонидан саноат инфратузилмасини янада ривожлантириш, ишлаб чиқариш ҳажмини ошириш ҳамда янги иш ўринлари яратишга доир таклифлар илгари сурилди.

Билдирилган масалалар юзасидан Олий Мажлис Қонунчилик палатаси депутати Гавхар Олимова ҳам ўз фикрларини билдирди. Ишчи гуруҳ аъзолари томонидан билдирилган таклиф ва муаммоларни тегишли ташкилотлар ҳамда қонунчилик ташаббуслари орқали ҳал этиш чоралари кўрилиши таъкидланди.