Xalq deputatlari Ishtixon tumani Kengashi deputatlari xalq bilan yaqindan muloqot qilish, odamlarni o‘ylantirayotgan masalalarni o‘rganish va ularga ijobiy yechim topish maqsadida o‘z saylov okruglarida aholi bilan ochiq muloqotlar o‘tkazmoqda.

Xalq deputatlari Ishtixon tumani Kengashi deputatlari N.Kiyamov, J.Mavlyanov, M.Raximov va G.Xudoyberganovalar “Barlos” MFYdagi “Mo‘jizali olam sirlari” MCHJ rahbari Shodmonova Zilolaning faoliyati bilan yaqindan tanishishdi.

Ayni chog‘da bu yerda 27 nafardan ortiq xotin-qizlar faoliyat ko‘rsatmoqda. Korxonada xodimlar uchun barcha sharoitlar yaratilgan.

Mahsulot ishlab chiqaruvchi mazkur korxona mahsulotlari bugungi kunda Toshkent shahridagi “Abu Saxiy” bozoriga ulgurji narxda yetkazib bermoqda.

Ishchi-xodimlar bilan bo‘lib o‘tgan ochiq muloqotlar davomida keyingi yillarda mamlakatimizda tadbirkorlikni qo‘llab-quvvatlash, ishbilarmonlik muhitini yaxshilash bo‘yicha amalga oshirilayotgan islohotlar, sohaga doir qabul qilinayotgan qonunlar haqida batafsil ma’lumotlar berildi.