Xalq vakillari – deputatlar ham saylovchilarga xizmat qilish, ularni rozi qilish asosiy vazifa ekanligini chuqur anglagan holda “Sayyor qabul”lar o‘tkazib, aholi muammolariga yechim topishga harakat qilmoqdalar.

Shu boisdan joriy yilning 11-dekabr kuni xalq deputatlari viloyat Kengashi deputati G.Kravchenya va xalq deputatlari Termiz shahar Kengashi deputatlari D.Normuradova hamda A.Ashurov shaharning “Eskishahar” mahallasida saylovchilar bilan uchrashuv o'tkazdi.

Uchrashuv davomida mahalla institutining jamiyat hayotidagi rolini mustahkamlash va moliyaviy imkoniyatlarini kengaytirish borasida keng ko‘lamli chora-tadbirlar amalga oshirilayotgani qayd etildi.

Uchrashuv so‘nggida hududda mavjud muammolar, fuqarolar tomonidan berilgan takliflar yechimi yuzasidan rejalar tuzilib, fuqarolar murojaatlari tegishli tashkilotlarga deputatlik so'rovlari yuborilishi belgilab olindi. Shundindek mahalladagi mavjud muammolar deputatlar tomonidan joyiga borgan holda o‘rganildi.