XALQ DEPUTATLARI TERMIZ SHAHAR KENGASHI FAOLIYATI

Navbatdagi sessiya oldidan xalq deputatlari Termiz shahar Kengashining doimiy komissiyalarining yig‘ilishi bo‘lib o‘tdi.

Kun tartibidagi masala Termiz shahrida 2024–2025-yillar kuz-qish mavsumiga tayyorgarlik koʻrish boʻyicha shahar hokimining o‘rinbosari N.To‘raqulov, shahar Qurilish va uy-joy kommunal xo‘jaligi boshqarmasi boshlig‘i M.Boynazarov, “Hududiy elektr tarmoqlari” Termiz shahar korxonasi rahbari B.Aliqulov, “Hududgaz Surxondaryo” gaz ta’minoti filiali “Termizshahargaz” gaz ta’minoti bo‘limi boshlig‘i X.Berdimurotov hamda “Surxondaryo suv ta’minoti” AJ Termiz shahar filiali rahbari S.Eshpulatovning sohada amalga oshirilgan ishlar yuzasidan hisobotini shahar Kengashi doimiy komissiya aʼzolarlari tomonidan muhokama qilindi.

Doimiy komissiyalarining yig‘ilishida “2024-2025-yillar kuz-qish mavsumiga tayyorgarlik ishlarini rejaga muvofiq yakunlash va mavsumni betalofat o‘tkazish choralarini koʻrish borasida o‘z yechimini kutib turgan ayrim masalalar borligi ham aytib o‘tildi va ularni bartaraf etish yuzasidan shahar Kengashining tegishli doimiy komissiyasining tegishli qarori qabul qilindi.