Navbatdagi sayyor qabul o‘tkazildi 

 Bugun,Uzun tumani Mustaqillik mahallasida tuman Kengashi raisi Xabibulla Bozorov boshchiligida tashkilot rahbarlari ishtirokida tuman aholisi bilan sayyor qabul o‘tkazildi. 

 Sayyor qabuldagi fuqarolar tomonidan elektr energiyasi, gaz balon, yaylov, ichimlik suvi o‘tkazish, auksionda qatnashish kabi masalalarda murojaat qilib kelgan 36 nafar fuqarolardan 14 ta masalalar bo‘yicha murojaatlar ko‘rib chiqildi. 

 Qabulda kelib tushgan murojaatlarning ayrimlari shu yerning o‘zida ijobiy hal etilgan bo‘lsa, ijrosi ma’lum vaqt va o‘rganish talab etadigan murojaatlar tegishliligicha mas’ullarga yo‘naltirilib, ijrosi nazoratga olinishi alohida ta’kidlandi.