Nurafshon shahrida Xalq deputatlari Toshkent viloyati Kengashining navbatdagi 95- sessiyasi boʻlib oʻtdi. Unda bir qator dolzarb masalalar koʻtarildi.
Jumladan, mahalliy byudjetning qoʻshimcha manbalaridan foydalanish chora-tadbirlari toʻgʻrisida viloyat hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Erkin Muhiddinovning hisoboti deputatlar tomonidan muhokama etildi.  

Shuningdek, Nurafshon, Angren shaharlari hamda Yuqori Chirchiq tumani hududidagi jismoniy va yuridik shaxslarga tegishli boʻlgan koʻchmas mulk obyektlarini kompensatsiya evaziga jamoat ehtiyojlari uchun olib qoʻyish hamda ichimlik-oqava suvi taʼminotini yaxshilash maqsadida koʻrilayotgan choralar sessiya davomida koʻrib chiqilib, masʼullarning hisobotlari boʻyicha ham tegishli qarorlar qabul qilindi.