Qaraózek rayonı hákimligi májilisler zalında Xalıq deputatları rayonlıq Keńesi hám rayonlıq Máhálleler awqamı, Respublika ruwxıy hám aǵartıwshılıq orayı rayonlıq bólimi, awıl hám mákan puqaralar jıyınları baslıqları, «máhálle jetiligi» wákilleri birgelikte kóshe biyleri hám belsendi hayal-qızlar menen ushırasıw ótkerdi. Ushırasıwda Xalıq deputatları Qaraózek rayonlıq Keńesi sekretariatı baslıǵı Q.Jaqsımuratov, Ózbekstan Máhálleler awqamı rayonlıq bólimi baslıǵı R.Daniyarov, ruwxıy hám aǵartıwshılıq orayı baslıǵı J.Nuratdinovalar tárepinen máhálle sistemasında jańadan qabıl etilgen nızam hám qararlar áhmiyeti hámde birge islesiw baǵdarındaǵı wazıypalar atap ótilip, toy, máresimlerdi ıqshamlastırıw hám artıqsha dábdebebazlıqtıń aldın alıw boyınsha pikir alısıldı. Bul baǵdarda birge islesiwshi mákemeler tárepinen aymaqlarda úgit-násiyat ilajların elede arttırıw belgilendi.