Bozataw rayonı "Erkindarya" APJ, Mákke awıl elatındaǵı 10-sanlı mektepte ÓzXDP deputatı Sh.Berdaxov, rayonlıq shańaraq hám hayal-qızlar bólimi baslıǵı A.Xojageldieva, RIIB hayal-qızlar menen islesiw boyınshp aǵa inspektorı R.Alımova hámde MSh hám MBB psixologi G.Mambetmuratovalar qatnasında ata-analardıń jaslar tárbiyasındaǵı juwapkershiligi, oqıwshı jas óspirimlerdin hár qıylı unamsız illetlerden awlaq bolıwı boyınsha úgit-násiyat ilaj ótkerildi.

Ilaj dawamında Xalıq deputatları Bozataw rayonlıq Keńesi deputatı SH.Berdaxov sózge shıǵıp, shańaraqta balanı tárbiyalaw máselesi júdá qıyın hám hár tárepleme juwapkershilikti talap etedi. Bul máselede bir qálipte is etiw júdá qıyın. Sebebi, hámmege bir qıylı qatnasta bolıw múmkin emes. Ata-ana balanı tárbiyalawda, bilimli, aqıl menen is tutatuǵın, sabır-taqatlı bolıwı, hárbir balanıń xarakterine qarap qatnas jasawı kerek.

-Balalar tárbiyasındaǵı tiykarǵı nárse ne? Eń dáslep bul sorawǵa bılay juwap bergen bolar edik. Hámmesi de tiykarǵı nárse bolıp tabıladı. Shınında da, bala tárbiyasında áhmiyetsiz, názerden shette qalatuǵın nárseniń ózi bolmaydı. Biraq, eń tiykarǵısı, bala saw-salamat bolıp ósiwi kerek. Baladaǵı tolıqlıq hám iri denelilik te, júzleriniń qızıl shıraylılıǵı da salamatlıqtıń belgileri bola almaydı. Salamatlıqtıń belgisi fizikalıq hám ruwxıy kúshlerdiń teń bolıwı, nerv sistemasınıń ólshemli bolıwı, shıdamlılıq, hár qıylı zıyanlı nárselerge qarsı shıdam bere alıwı bolıp esaplanadaı. Turmıs balanı qanday bolmasın bir sınawlarǵa duwshar etedi. Bul ne bolmasın jaǵdaydıń keskin ózgeriwi me, yaki infekciya ma, fizikalıq zorıǵıw ma, yaki ruwxıy azap shegiw me, bári bir saw organizm onda maqsetke muwapıq reakciyalar menen juwap beredi, ózi gúresedi. Kúshsiz bolsa gúresiwge ázzilik etip, jeńiledi. Salamat balanı tárbiyalaw birqansa ańsat. Bunı hámme de biledi. Ol barlıq zárúriy nárselerge hám tájiriybelerge tez úyrenip ketedi, sharayatlardıń ózgeriwine jaqsı beyimlesedi hám ózine qoyılǵan talaplardı tuwrı tez túsinedi. Salamatlıq-balada minez- qulıqtıń tuwrı qáliplesiwiniń, shólkemlestiriwshilik qábiletiniń rawajlanıwınıń, kúshli, qábiletli hám tábiyiy qábiletli bolıwınıń tiykarı bolıp tabıladı. Balanıń saw-salamat bolıwı kóbinese ata-ananıń sawlıǵına baylanıslı boladı. Bolajaq ata-analar, álbette vrachqa barıp ushırasıwları, onıń menen másláhátlesiwleri, ózlerinde qanday