Haqıyqatında da, húrmetli Prezidentimiz tárepinen elimizdiń
social-ekonomikalıq rawajlanıwında, nızam dóretiwshiligi hám korrupciyanıń
aldın alıwda rawajlanǵan mámleketlerdiń tájiriybelerin úyreniw hám birge
islesiwde diplomatiyalıq jumıslar alıp barılmaqta.

Bul baǵdardaǵı Prezidentimiz tárepinen alıp barılıp atırǵan jumıslar nátiyjeleri,
atap aytqanda, búgingi kúnde Ózbekstan mámleketindegi nızam ústinligi,
demokratiyalıq rawajlanıwlar, insan huqıqlarınıń ústinligi, eń baslısı jańadan
qabıl etilgen Konstituciyamızda insan máplerine xızmet etiwshi normalardıń
kiritiliwi hám olardıń ámelde qollanılıwı xalıqaralıq ekspertler tárepinen
unamlı bahalanbaqta.
Húrmetli Prezidentimizdiń
qońsı hám barlıq mámleketler menen alıp barıp atırǵan sırtqı siyasatınıń
nátiyjesinde eń abıroylı Xalıqaralıq shólkemler, Aziya hám Evropa mámleketler menen
doslıq múnásibetleri bekkem ornatılıp, turmıstıń barlıq tarawlarında birge
islesiw jumısları ámelge asırılmaqta.
Bunıń mısalı retinde Germaniya
Federativlik Respublikası Bundestagi Huqıqıy máseleler hám tutınıwshılardıń
huqıqın qorǵaw boyınsha komitetiniń baslıǵı Myuller Karlsten basshılıǵındaǵı
delegaciyanıń mámleketimizge kelip, Oliy
Majlis Nızamshılıq palatasında mámleketimizde korrupciyaǵa qarsı gúresiw
tarawında ámelge asırılıp atırǵan reformalar, milliy nızamshılıqtı jetilistiriw
baǵdarındaǵı jumıslar hám bul baǵdardaǵı tiykarǵı wazıypalar boyınsha hár
tárepleme pikir alısıwlardı atap ótsek boladı.
Ushırasıwda tárepler
parlamentleraralıq baylanıslardı bunnan bılay da keńeytiw hám óz-ara paydalı
birge islesiwdi barlıq tiykarǵı tarawlarda rawajlandırıw boyınsha pikir alıstı. 

Ózbekstan Xalıq demokratiyalıq partiyası
óz saylawaldı dástúrinde belgilengen maqsetlerden kelip shıǵıp,
Prezidentimizdiń social-ekonomikalıq birge islesiwde basqa mámleketler menen
alıp barıp atırǵan siyasatın qollap-quwatlaydı.

Ózbekstan XDP Taxtakópir rayonlıq Keńesi deputatı Q.A.Jaliev