Bugungi kunda mamlakatimizda korrupsiyaga qarshi kurashish, halollik va adolat tamoyillarini hayotimizga chuqur singdirish davlat siyosatining ustuvor yo‘nalishlaridan biri etib belgilanmoqda. Chunki korrupsiya – bu nafaqat qonunbuzarlik, balki jamiyat taraqqiyotiga, xalq farovonligiga, yoshlar kelajagiga jiddiy putur yetkazuvchi salbiy illatdir. Har birimiz yaxshi bilamizki, korrupsiya mavjud joyda adolat, halollik va ishonch so‘nadi. Davlatimiz rahbari ta’kidlaganidek, “Korrupsiyaga qarshi kurashish – bu faqatgina huquqni muhofaza qiluvchi organlarning ishi emas, balki har bir fuqaroning burchi va mas’uliyatidir.”

Shu boisdan, siz aziz fuqarolarni jamiyatimizda halollik, poklik, mas’uliyat va vijdonlilik tamoyillarini keng targ‘ib etishga, har qanday korrupsion holatlarga befarq bo‘lmaslikka chorlayman. Agar siz pora yoki noqonuniy talabga duch kelsangiz, bu haqda darhol tegishli idoralarga xabar bering — bu orqali siz nafaqat o‘zingizni, balki jamiyatni ham himoya qilgan bo‘lasiz.

Keling, barchamiz birgalikda korrupsiyasiz, halol mehnat va adolat ustuvor bo‘lgan jamiyatni barpo etishga hissa qo‘shaylik!

Xalq deputatlari Sharof Rashidov tuman Kengashi deputati Akbarova Shoira Uktamovna