Deputat umumta’lim muassasalarining yangi o‘quv yiliga tayyorgarligini o‘rgandi

Xalq deputatlari Payariq tumani Kengashi deputati Maxkamov Sobir Tuxtamishovich 2025–2026-o‘quv yiliga puxta tayyorgarlik ko‘rish maqsadida tumandagi 16-, 42- va 45-sonli umumta’lim maktablariga tashrif buyurdi.

Tashrif davomida u maktablarning sinf xonalari, o‘quv-laboratoriya jihozlari, sport zallari, kutubxona fondi hamda hududdagi obodonlashtirish ishlari bilan tanishdi. Yangi o‘quv yilini sifatli boshlash uchun amalga oshirilayotgan ta’mirlash va jihozlash jarayonlari muhokama qilindi.

Deputat, shuningdek, o‘qituvchilar va ma’muriyat vakillari bilan uchrashib, mavjud muammolar hamda ularni hal etish bo‘yicha takliflarni tingladi. O‘quvchilarga yaratilayotgan shart-sharoitlar va ta’lim sifati kelgusida yanada yaxshilanishi uchun tegishli tavsiyalar berdi.

Bunday tashriflar ta’lim muassasalarining faoliyatini yanada samarali tashkil etish va o‘quvchilar uchun qulay hamda zamonaviy ta’lim muhitini yaratishga xizmat qiladi.