Bugungi kunda mahallalarda ijtimoiy barqarorlikni ta’minlash, aholining muammolarini joyida o‘rganib, tezkor yechim topish borasida mahalla yettiligi va mahalliy Kengash deputatlari o‘rtasidagi hamkorlik alohida ahamiyat kasb etmoqda. Ayniqsa, ehtiyojmand oilalarning ahvoli, yoshlar bandligi, nogironligi bo‘lgan fuqarolar, yolg‘iz keksalar va ayollar masalalariga doir mas’uliyatli yondashuv bu tizimning samaradorligini oshirmoqda. 

Xalq deputatlari Payariq tumani Kengashi deputati Parmanova Nargiza mahalla yettiligi bilan hamkorlikda aholining bandlik, uy-joy, sog‘liqni saqlash va ta’limga doir muammolarini o‘rganib, tegishli tashkilotlar bilan birgalikda amaliy yordam choralarini belgiladi. 

Deputat N.Parmanova o‘z fikrida ta’kidladi:

– Mahalla yettiligi — bu faqat rasmiy tuzilma emas, balki jamiyatning eng quyi bo‘g‘inida hal qilinadigan muhim masalalarning birinchi manbaidir. Deputat sifatida biz shu tizim bilan doimiy aloqada bo‘lsak, muammolar joyida, tezkor va samarali hal etiladi.