Raqamlar va natijalar:

🟢58 ta qaror shaffof tizimda: 2026-yilning birinchi yarim yilligida Kengash tomonidan qabul qilingan barcha 58 ta qaror "E-Kengash" ("E-qaror") elektron tizimi orqali rasman e’lon qilindi. Endilikda har bir fuqaro shahar rivojiga daxldor qarorlar bilan istalgan vaqtda onlayn tanishishi mumkin;

🟢17 ta huquqiy targ‘ibot tadbiri: Deputatlarimiz nafaqat sessiyalarda, balki bevosita mahallalarda aholi bilan muloqot qilib, qabul qilinayotgan yangi qonunlarning mazmun-mohiyatini tushuntirish, huquqiy savodxonlikni oshirish maqsadida 17 ta keng qamrovli huquqiy targ‘ibot tadbirlarini tashkil etdilar.

Ochiqlik siyosati — bu faqatgina qarorlarni e’lon qilish emas, balki aholini shahar boshqaruviga bevosita jalb etish, deputatlar bilan doimiy muloqotda bo‘lishni anglatadi.

🟢Fuqarolar uchun imkoniyat: "E-Kengash" tizimi orqali har bir shahar aholisi Kengash faoliyatini kuzatib borishi, qabul qilinayotgan qarorlar ustidan o‘z taklif va mulohazalarini deputatlarga yo‘llashi mumkin.

🟢Huquqiy madaniyat: O‘tkazilgan 17 ta targ‘ibot tadbirlari fuqarolarning o‘z huquqlarini bilishi, qonuniy manfaatlarini himoya qilishida va mahallalarda muammolarni huquqiy yo‘l bilan hal etishida muhim ahamiyat kasb etmoqda.