🖋 27-iyun – Matbuot va ommaviy axborot vositalari xodimlari kuni

Yurtimizda amalga oshirilayotgan keng ko‘lamli islohotlar, bunyodkorlik ishlari hamda davlat siyosatining mazmun-mohiyatini aholiga tezkor, xolis va haqqoniy yetkazishda ommaviy axborot vositalari xodimlarining o‘rni beqiyosdir.

Sizlar jamiyat va davlat o‘rtasidagi ochiq muloqotni ta'minlash, fuqarolarning xolis axborot olish huquqini ro‘yobga chiqarish hamda yurtimiz taraqqiyoti yo‘lida amalga oshirilayotgan ezgu ishlarni keng jamoatchilikka yetkazishda munosib hissa qo‘shib kelmoqdasiz.

Xalq deputatlari Sherobod tumani Kengashi deputatlari hamda Kengash kotibiyati jamoasi barcha jurnalistlar, matbuot kotiblari va ommaviy axborot vositalari xodimlarini kasb bayrami bilan samimiy muborakbod etadi.

Sizlarga mustahkam sog‘lik, oilaviy baxt-saodat, cheksiz ilhom, ijodiy yutuqlar, yuksak marralar hamda sharafli va mas'uliyatli faoliyatingizda ulkan muvaffaqiyatlar tilaymiz.

🌸 Kasb bayramingiz muborak bo‘lsin!