Doimiy komissiyada Uchtepa tumani Elektr tarmoqlari korxonasining faolyati to'g'risidagi masala muhokama qilindi

🇺🇿 Xalq deputatlari Uchtepa tumani Kengashidagi agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyaning III chaqiriq 30-sessiyasi kun tartibiga kiritilgan masalalardan biri — Uchtepa tumani Elektr taʼminoti korxonasi tomonidan tumanda amalga oshirilayotgan ishlar toʻgʻrisidagi masala ko‘rib chiqildi.

📁 Mazkur masala yuzasidan Uchtepa tumani Elektr ta'minoti korxonasi bosh muhandisi Qosimov Baxtiyor Bositovich tomonidan hisobot taqdim etildi. Hisobotda tumanda Elektr ta'minoti korxonasi tomonidan amalga oshirilayotgan ishlar doirasida 2026-yilga belgilangan reja hamda hozirgi kunga qadar amalga oshirilgan ishlar yuzasidan hisobot eshitilib, tahlil qilindi.

💬 Doimiy komissiya raisi Avaz Xudayberganov hamda komissiya a’zolari — K.Abdullayeva, S.Djalalov hamda I.Tuxtasinovlar hisobotni tinglab, “Toshkent shahar elektr tarmoqlari” mas’uliyati cheklangan jamiyati tomonidan 2026-yil manzilli dasturga asosan tumanda, 5 ta GKTP-630/10 kVAli turidagi yangi transformator nimstansiyasini o‘rnatish va 10 dona transformator punktlarida rekonstruksiya-modernizatsiya qilish ishlari belgilanganligi yuzasidan atroflicha savollar berildi.

⚡️ Tuman Elektr ta'minoti korxonasi bosh muhandisi B.Qosimov tomonidan ayni damda tumandagi Paxtakor, Istirohat, Nishabariq, Ko‘ksaroy, Bog‘ichinor mahallalariga yangi 5 komplekt 630/10 kVA li GKTP o‘rnatish rejalashtirilgan bo‘lib, shu kunga qadar Paxtakor, Ko‘ksaroy, Istirohat mahallalari hududida, jami 3 komplekt 630/10 kVA GKTP turdagi transformator nimstansiyalari o‘rnatish va tarmoqqa ulash jarayonida ekanligi ta'kidlandi.

📱 Komissiya yig‘ilishi Zoom platformasi orqali tashkil etilib, unda tuman Kengashi kotibiyati mudiri A.Usmanov, bosh mutaxassislar U.Abilov va Z.Kuziyevalar ishtirok etdilar.

📝 Muhokamalar yakunida barcha deputatlar tomonidan mazkur masalani sessiya kun tartibiga kiritish yuzasidan bir ovozdan qaror qabul qilindi.