🏫#24_tavsiya

Xalq deputatlari Angor tumani Kengashi 16-Zang saylov okrugi deputati Qulliyev Ergash hamda tuman Kengashi raisi Qo'zimurodov Abdisalom Javliyevich tomonidan 24-tavsiya ijrosi yuzasidan amaliy o‘rganish ishlari olib borildi.

O‘rganish jarayoni 18-sonli umumta’lim maktabida o‘quvchilarning jismoniy va aqliy rivojlanishini ta’minlash, ularni sportga keng jalb etish hamda bo‘sh vaqtini mazmunli tashkil etish borasida amalga oshirilayotgan ishlar bilan yaqindan tanishildi.


Xususan, maktabda shaxmat-shashka, voleybol hamda basketbol sport turlari bo‘yicha yaratilgan sharoitlar va o‘quvchilarning ushbu yo‘nalishlardagi ishtiroki ko‘zdan kechirildi. Sport mashg‘ulotlari orqali bolalarda sog‘lom turmush tarzi, jamoaviylik va intizom kabi muhim fazilatlar shakllanayotgani e’tirof etildi.


Shuningdek, deputat tomonidan maktabda tashkil etilgan yo‘l harakati xavfsizligi xonasi faoliyati ham o‘rganildi. Mazkur xonada bolajonlarga yo‘l harakati qoidalariga rioya qilish, harakat xavfsizligini ta’minlash va turli xavfli holatlarning oldini olish bo‘yicha amaliy bilim va ko‘nikmalar berilayotgani alohida ahamiyat kasb etadi.


Bunday tashabbus va sharoitlar yosh avlodni har tomonlama barkamol, bilimli hamda sog‘lom etib tarbiyalashga xizmat qilishi bilan muhimdir. Deputatlar tomonidan bu kabi amaliy ishlarni izchil davom ettirish zarurligi ta’kidlandi.