📌 Xalq deputatlari Sherobod tumani huzuridagi “Xalqparvar” komissiyasining yig‘ilishi bo‘lib o‘tdi.

Yig‘ilishda tuman hokimining birinchi o‘rinbosari, iqtisodiyot va moliya bo‘limi boshlig‘i U. Xamrayevning axboroti tinglandi.

Axborotida uy-joy qurilishi uchun yer ajratish jarayonida shaffoflikni ta’minlash, ehtiyojmand fuqarolar ro‘yxatini adolatli shakllantirish masalalariga alohida e’tibor qaratildi. Shuningdek, ipoteka kreditlari va davlat subsidiyalarini taqsimlashda ochiqlik hamda tenglik tamoyillariga qat’iy amal qilinayotgani ta’kidlandi.

Yig‘ilish yakunida komissiya a’zolari tomonidan ushbu yo‘nalishda ishlarni yanada takomillashtirish, aholining uy-joyga bo‘lgan ehtiyojini qondirishda adolat va shaffoflikni ta’minlash yuzasidan zarur choralar ko‘rish belgilandi.