Mamlakatimizda kechayotgan islohotlar jarayonida hamma vaqt eng quyi, ammo hal qiluvchi bo‘g‘in bo‘lgan mahallaga alohida e’tibor qaratilmoqda. Mahalla tinch va ahil bo‘lsa, jamiyatimiz tinch va hamjihat bo‘ladi, mahalla rivojlansa, butun mamlakatimiz yuksaladi.

Xalq deputatlari Mirzo Ulug‘bek tuman Kengashi deputati Oydin Daniyarxodjayeva okrugidagi “Sarbon” mahallasida obodonlashtirish bo‘yicha amalga oshirilayotgan ishlar bilan yaqindan tanishib chiqdi.

Mahalla ko‘chalarini ta’mirlash jarayonlari o‘rganilib, mahalla vakillari bilan belgilangan muddatda ishlarni tamomlash hamda ishlar sifatiga alohida etiborni qaratish yuzasidan suhbatlar o‘tkazildi.

Shuningdek, mahalla vakillariga mahallaning ayrim ichki ko‘chalari va piyodalar yo‘lakchalarini ham ta’mirlash, eski simyog‘ochlarni yangi beton tayanch ustunlarga o‘zgartirish, ko‘cha yoritish chiroqlarini soz holatga keltirish bo‘yicha hamkorlikda amalga oshirladigan chora-tadbirlar belgilanishi ta’kidlab o‘tildi.