Xalq deputatlari Andijon shahar Kengashi raisi R. Ziyayev huzurida ishchi yig‘ilish bo‘lib o‘tdi.

Yig‘ilishda Andijon shahar Ekologiya bo‘limining “Soy” MFY hududida 300 metrli “Soya-salqin” ko‘chasini tashkil etish bo‘yicha taklifi ko‘rib chiqildi.

Kengash raisi loyiha yuzasidan shahar hokimligi va tegishli tashkilotlar bilan sxematik hamda yozma ravishda kelishish zarurligini ta'kidladi. Shuningdek, mazkur hududda o‘zboshimchalik bilan savdo do‘konlari tashkil etilishining oldini olish bo‘yicha takliflar bildirildi.

Yig‘ilishda Suv xo‘jaligi va ekologiya masalalari bo‘yicha doimiy komissiya a'zosi X. Xolmatov, Korrupsiyaga qarshi kurashish va xavfsizlik masalalari bo‘yicha doimiy komissiya raisi A. Appaqov hamda Kengash kotibiyati mutaxassislari ishtirok etdi.

Xalq deputatlari Andijon shahar Kengashi matbuot xizmati