✨ 30-iyun — Oʻzbekiston yoshlari kuni muborak!
Assalomu alaykum, aziz va qadrli Baxmal tumani yoshlari!

Xalq deputatlari Baxmal tuman Kengashi sizlarni mamlakatimiz hayotidagi eng jo‘shqin va unutilmas bayram — 30-iyun – Yoshlar kuni munosabati bilan samimiy muborakbod etadi!

Bugun yurtimizda, xususan, Baxmal tumanida tashabbuskor, bilimli va shijoatli yoshlarni qo‘llab-quvvatlash davlatimiz siyosatining eng muhim ustuvor yo‘nalishlaridan biridir. Tumanimiz deputatlari ham xalq vakillari sifatida sizlarning sifatli ta’lim olishingiz, zamonaviy kasb-hunarlarni egallashingiz hamda tadbirkorlik va sport sohalarida yuksak cho‘qqilarni zabt etishingiz uchun zarur shart-sharoitlarni yaratishni o‘zlarining eng asosiy vazifasi deb biladilar.

Sizlarning har bir intilishingiz, yangi g‘oya va loyihalaringiz tumanimizni yanada rivojlantirishga, obod va farovon qilishga ulkan hissa qo‘shishiga ishonamiz. Zero, Baxmalning ertangi kuni, uning porloq kelajagi aynan siz kabi vatanparvar va fidoyi yoshlar qo‘lidadir!

Sizlarga sihat-salomatlik, bitmas-tuganmas g‘ayrat-shijoat, o‘qish va ishlaringizda ulkan zafarlar tilaymiz. Doimo yuqori marralarni ko‘zlab, xalqimizning faxru iftixori bo‘lib yuring!

Bayramingiz muborak bo‘lsin, aziz yoshlar!