Bugun Guliston tumanida O‘zbekiston Respublikasi Kambag‘allikni qisqartirish va bandlik vaziri o‘rinbosari Sirojiddin Boboqulov bilan hamkorlikda Xalq deputatlari Guliston tuman 20-Tajribakor saylov okrugidan deputat Olimjon Jo‘rayev mahallalardagi hokim yordamchilari bilan ochiq muloqot tarzidagi uchrashuv tashkil etdi.

   Uchrashuv davomida hokim yordamchilarining mahallalardagi faoliyati tahlil qilinib, 2025-yilda amalga oshirilgan ishlar sarhisobi hamda 2026-yilda belgilangan ustuvor vazifalar yuzasidan atroflicha fikr almashildi. Shuningdek, mahallalarda tadbirkorlikni rivojlantirish, yangi ish o‘rinlari yaratish hamda aholini kambag‘allikdan chiqarish bo‘yicha olib borilayotgan ishlar muhokama qilindi.

   Uchrashuvda tumanda ishsizlik darajasini qisqartirish, aholi bandligini ta’minlash va fuqarolar daromadlarini oshirishga qaratilgan aniq chora-tadbirlar yuzasidan ham tegishli vazifalar belgilab olindi.