Xalq deputatlari tuman Kengashi deputatlari A.Xolmo‘minov hamda J.Donayevlar tumandagi “Kunchiqish” mahallasida bo‘lib, mahallada hokim yordamchisi tomonidan amalga oshirilayotgan ishlar bilan yaqindan tanishdi.

O‘rganish jarayonida dastlab mahalla hokim yordamchisi tomonidan yuritilayotgan hujjatlar ko‘zdan kechirildi. Jumladan, aholini bandlikka yo‘naltirish, oilaviy tadbirkorlikni rivojlantirish, ijtimoiy-iqtisodiy masalalarni hal etish bo‘yicha olib borilayotgan ishlar yuzasidan ma’lumotlar o‘rganildi.

Shundan so‘ng deputatlar bajarilgan amaliy ishlar bilan tanishish maqsadida joylarga chiqib, mahalla hokim yordamchisi ko‘magida ajratilgan imtiyozli kreditlardan samarali foydalanilishi holatlarini o‘rgandi.

Xususan, kredit mablag‘lari hisobidan:

motokultivator xarid qilinib, dehqonchilik ishlari yo‘lga qo‘yilgani,

issiqxona tashkil etilib, aholining daromad topish imkoniyatlari kengaytirilgani,

chorvachilik yo‘nalishida kredit ajratilib, bandlik yaratilgani,

avtomobil ta’mirlash uchun zarur bo‘lgan ustachilik anjomlari olib berilib, xizmat ko‘rsatish faoliyati yo‘lga qo‘yilgani kabi amaliy ishlar bilan tanishildi.

Deputatlar ushbu yo‘nalishlarda bugungi kunda olib borilayotgan faoliyat samaradorligini ko‘zdan kechirib, ajratilgan kredit mablag‘laridan maqsadli va oqilona foydalanilayotgani, natijada aholi bandligi ta’minlanib, oilalar daromadi oshib borayotganini ta’kidladi.

Mazkur o‘rganishlar mahallalarda ijtimoiy-iqtisodiy muhitni yaxshilash, aholini tadbirkorlikka keng jalb etish hamda mavjud muammolarni joyida hal etishga qaratilgan ishlarning uzviy davomidir.

Qiziriq tumani Kengashi Axborot xizmati

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)

Slide 1 of 18