Xalq deputatlari Parkent tuman Kengashiga 15-Beshkappa saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna Parkent tumani “Oybek” MFY Yorqin hayot ko‘chasida joylashgan “Ko‘zmunchoq” nomli 5-DMTT bog‘chasida bo‘lib, kuz–qish mavsumiga tayyorgarlik ishlari bilan yaqindan tanishdi.Tashrif davomida muassasaning isitish tizimi, sanitariya holati va obodonlashtirish ishlari atroflicha o‘rganildi. Bog‘cha xodimlari bilan bolalar uchun qulay, xavfsiz va issiq muhit yaratish, shuningdek, mavsum davomida sifatli xizmat ko‘rsatishni ta’minlash bo‘yicha fikr almashildi. Mazkur o‘rganish bog‘chadagi sharoitlarni yanada yaxshilash, bolalarning farovonligini ta’minlash va muassasa faoliyatini samarali tashkil etishga xizmat qiladi.