Xalq deputatlari Zarbdor tuman Kengashi kotibiyati mudiri G. Xudoyarova hamda 3-Yangiobod saylov okrugi deputati M. Gaipov tumanning “Do‘stlik” mahallasida joylashgan ko‘p qavatli uylarning kuz-qish mavsumiga tayyorgarligi jarayonini o‘rgandi. Deputat nazorati davomida uylarning fasad qismini bazalt qoplama bilan mustahkamlash ishlari, ularning sifat darajasi hamda bajarilish sur’atlari ko‘zdan kechirildi. Uchrashuv davomida mas’ullarga aniqlangan kamchiliklarni bartaraf etish, ishlarni belgilangan muddatda va belgilangan talablarga muvofiq yakunlash bo‘yicha topshiriqlar berildi. Mahalla aholisi uchun qulay va xavfsiz sharoit yaratish maqsadida bunday nazorat tadbirlari davom ettiriladi.